ضمة جناح

من فوق في السماء البعيدة حيث لا يمكنك التفكير في الأرض......هناك حيث يتساوي اللاوعي و الحقيقة.....قد تأتي هي بعطرها لتجدك مهيض الجناح.....يلعب العطر برأسك.....قد تفكر في العودة للأرض....قد يختفي اللاوعي و تبقي الحقيقة بمرها.......يختفي العطر....وتستغرق انت في حب حتي النخاع......ولكن كل هذا لا يعني انك في غير حاجة الي ضمة جناح هناك فقط....سوف تستطيعا

ان تتشمما العطر مجددا.

وتقفي يطل شباكك

علي وجوده علي عوده

و شايفة ملامحه في عيونك

بيصرخ صوته في جنونك

تقيد منك حروف نوره

تعدي لهفتك سوره

يطير قلبك معاه روحك

و هو المرمي و الرامي

و هو جرحك الدامي

طبيب قلبك والهامك

و شوقه يسري في عضامك

مشاعره جوه احضانك

يفجر فيكي بركانه

و فيك سره و ملامحه

شفايفك ضحكة بتسامحه

...........

ايديه مفرودة تندهلك

عيون حبه بتهتفلك

و يختارك

تلين علي ايده قضبانك

يحرر كل اوطانك

يضمك ضمة و يشيلك

يحطك فوق علي حصانه

و يجري وراك

يمشيلك

و بيك يشق و يعدي

حواجز شوق مابتهدي

ينام حلمك علي جناحه

و يرجع بيك لصباحه

و مين دا الفارس الآتي

ملامحه عليك بتهاتي

حيفضل سر جواكي

حيفضل حلمه وياكي