عبد المولي

جميلة ولكن ناعمة كالافعي هكذا حاول ان يقنع نفسه مرارا ومرارا حسنا سيفعل كما اراد دائما

(اسمعي كويس يا بنت الناس)هكذا قالها بكل قوة ردت هي بنعومة اشبه بالفحيح

اسمع ايه -

-انت طريقتك مش عاجباني

انهي طريقة-

خروج كتير و معارف بالهبل و الصراحة كده انا بكسف اخدك معايا في حتة -

ردت من وسط دموعها التماسيحية-لا انت اللي مبقتش تحبني زي الاول

يالله-انها كما يقولون تماما ما أن يواجهها حتي تبدأ هرمونات الانوثة في عملها وهي تعلم انه ضعيف جدا امام الدموع

و لكن هيهات لقد عقد العزم علي ان تصير كلمته هي العليا اليوم -

وان لم توافق فعليها ان تحتمل سيطردها من حياته نهائيا و يسترجع كرامته وحريته المسلوبة منذ فترة

مش حقولك الكلام ده تاني دي اخر مرة-

-انت شكلك اتجننت-انا كان عندي احساس بكده احب اقولك انك جاي انهاردة تثبت انك راجل مجرد نسخة غبية تانية من الالاف اللي بشوفهم

لم يعرف ساعتها ماذا يفعل ان الامور ليست كما كان متوقع من صديقه عبد المولي الذي اقنعه بان ما سيفعله

صواب وعين العقل واقتنع هو بعد ستة احجرة معسل كاملة0

انا مسمحلكيش يا000000

احب اقولك اني زهقت منك ومن تخلفك حتي الحجاب اللي انت ملبسهولي عافية احب اقولك اني حاقلعه .
انا بحذرك انتي 000000

قالتها وخلعت الحجاب بمنتهي السرعة والقته علي وجهه صائحة :انا ارتبطت علي فكرة ودي كانت اخر فرصة ..ان احنا نبقي صحاب علي الاقل ابقي خلي عبد المولي ينفعك.

فوجيء الجميع بذلك و لكنه رفع عقيرته داخل الكافيه-ايه يا خوانا كل واحد يخليه في حاله...الله يخربيتك يا عبد المولي